Azərbaycan Dövlət Himninin işarət dilində təqdimatı keçirildi
02 / 08 / 2019 08:10:30
Oxunma : 3348

Eşitmə və Nitq Məhdudiyyətli Şəxslərə Sosial Yardım” İctimai Birliyi Azərbaycan Respublikası Prezidenti Yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə 01.05.2019-cu il tarixindən “ Azərbaycan Respublikasının Dövlət Himninin işarət dilində hazırlanması və təqdimatı” layihəsnin icrasına başlanmışdır. Layihədə 15 eşitmə məhdudiyyətli gənc iştirak edərək, Himni İşarət dilində ifa etmişdir. Himn dəfələrlə özfəliyyət quruplar tərəfindən jest dilində ifa edilsə də, ilk dəfədir ki, Dövlət dəstəyi ilə hazırlanaraq cəmiyyətə təqdim olundu.

QHT.az xəbər verir ki, layihə rəhbəri Cəmilə Çingizqızı tədbiri açaraq,iştirakçıları salamladı. O,qeyd etdi ki, ölkəmizdə ümümilikdə sağlamlıq İmkanları məhdud insanlar hər zaman dövlətin diqqətindədir və qayğı ilə əhatə olunsa da, onların bəzilərinin ünsiyyət və münasibət qurmasında,eləcə də ölkədə baş vermiş hadisələrlə bağlı informasiya almasında çətinliklər var. Bu cür insanlar məhz eşitmə və nitq məhdudiyyətlilərdir. Bu problemi aradan qaldırmaq üçün eşitmə və nitqi məhdud olan uşaq və gənclərin ictimai aktivliyini yüksəltmək və informasiya balansının artırılmasına ehtiyac hiss olunur. Çünki eşitmə məhdudiyyətli şəxsləri ölkəmizi Beynəlxalq və ya yerli tədbirlərdə təmsil edir ,himnimiz səslənən zaman onlar bu himnin mahiyyətini anlasalarda,sözlərini anlamırlar. Bunun üçün eşitmə və nitq məhdudiyyətli gənclərin tanımaq və onların dilini tanıtmaq, dövlət himimizin işarət dilində hazırlanmasına və cəmiyyətə təqdim olunmasına böyük ehtiyac duyurlur. Hazırlanan klip Azərbaycanlı məhdudiyəti olan gənclərin dünyaya mesajı olmaqla yanaşı həm də Azərbaycançılığın təşviqinə xidmət edəcəkdir. Azərbaycan Respublikasının Dövlət Himninin yaranmasından 100 il ötdükdən sonra ilk dəfədir ki, bu Himn Dövlət dəstəyi ilə Jest dilində tərcümə edilərək cəmiyyətə təqdim olundu.

Qeyd edim ki, Azərbaycanda ilk dəfə olaraq, Azərbaycanın Dövlət Himni İşarət dilində , Dövlət Dəstəyi ilə hazırlanıb. Bu Prezidentimiz cənab İlham Əliyev və xanımı vitse-prezident Mehriban Əliyevanın əlilliyi olan şəxslərə diqqət və qayğısının daha bir nümunəsidir.

Inanırıq ki, bu Himnin əsəri bir çox Dövlət tədbirlərində, TV kanallarda, məktəblərdə, idman yarışlarında böyük qürur və diqqət ilə izlənəcək deyə vurğulayıb.

Himnin təqdimatından sonra Əsərin rejissoru Elşən Qəni əsər barədə ətraflı məlumat verdi. Sonra QHT rəhbərləri, öz fikirlərini bölüşdülər.Sonda Dövlət Himnini işarət dilində ifa edə gənclərə hədiyyələr və diplomlar təqdim olundu.

Xəbərlər

Ən çox oxunanlar

@ 2017 QHT TV
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Tel: (994 55) 325 18 38 | E-mail:[email protected]
Baş direktor: Cəsarət Hüseynzadə